14:50
တောင်သာသားလေး
ဘာသာစကားရဲ့အရေးပါပုံလေးတွေကို တောင်သာသားလေး ကျွန်တော့်ရဲ့ အတွေ့အကြုံလေးနဲ့ ပေါင်းစပ်ပြီး ဒီဆောင်းပါးလေးနဲ့ တင်ပြပါရစေ။ ဘာသာစကားမတတ်တဲ့ လူတစ်ယောက်က စကားမပြောတတ်တဲ့ လူတစ်ယောက်နဲ့ တူတယ် ဆိုတာ တောင်သာသားလေး ကိုယ်ကိုယ်တိုင်ကြုံမှ ကိုယ်တိုင်သိခဲ့ရလို့ပါပဲ။
တောင်သာသားလေး ပထမနှစ်ဘ၀တုန်းက ဒီလိုလေးတွေးမိတာပါ။ တောင်သာသားလေး ပညာလာသင်နေတဲ့ နိုင်ငံကဘာသာစကားဟာ ဒီပညာသင်နေတဲ့ ၃ နှစ်အတွင်းလေးပဲ အသုံးဝင်မှာပါလို့။ စာမေးပွဲအောင်ရုံလောက်၊ ဆရာ/မတွေနဲ့ စကာပြောနိုင်ရုံလောက် ပြောတတ်ရင်ရပြီပေါ့။ တကယ်တော့ အဲ့ဒီအတွေးက တတ်တတ်စင်အောင်လွဲခဲ့ပါတယ်။ သို့ပေမယ့်လည်း ကိုယ်ကိုတိုင် တကယ် အ၀န်းထဲကို ၀င်မိတော့မှပဲ ဘာသာစကားက အရေးကြီးပါလား ဆိုတာ သိလိုက်ရတယ်။
ဒုတိယနှစ်ရောက်တော့ ဘာသာစကားကောင်းတဲ့ သူငယ်ချင်းတွေနဲ့ မိတ်ဆွေဖြစ်ခွင့်ရခဲ့ပါတယ်။ ဘာသာစကားရဲ့ အရေးပါပုံလေးတွေကိုလည်း ပိုပြီးသိလာရတယ်။ အခန်းကျဉ်းလေးထဲမှာ ကွန်ပျူတာသုံးလိုက်၊ အိပ်လိုက်၊ စားလိုက် နဲ့ အချိန်တွေ သုံးနေမယ့်အစား သူ့တို့နိုင်ငံရဲ့ အထွေအထွေနယ်ပယ်ထဲကို ၀င်သင့်တယ်လို့ ထင်ခဲ့တယ်။
တောင်သာသားလေး စာတစ်ခု ဖတ်ဖူးပါတယ်။ လူတိုင်းက ကိုယ်မအောင်မြင်တာပဲဖြစ်ဖြစ်၊ ပြသနာတစ်ခုကြုံခဲ့ရင်ပဲ ဖြစ်ဖြစ်၊ အကယ်၍သာ ဆိုတဲ့ နောင်တရတဲ့ အသံတွေနဲ့ ပြောတတ်ကြပါတယ်။ စာရေးဆရာက အဲ့လိုပြောတာထက် အကယ်၍သာ ပြောမယ့်အစား နောက်တစ်ကြိမ်ကျရင် ဘာလုပ်မယ်ဆိုတာ ပြောသင့်တယ်တဲ့။
တောင်သာသားလေးလည်း မာစတာ ဒုတိယနှစ်ရောက်နေပါပြီ။ ဘာသာစကား သိပ်မရသေးတဲ့ ကျောင်းသားတစ်ယောက်ပေါ့။ ကျွန်တော်အရင်က အကယ်၍သာ ဆိုတဲ့ စကား ခဏခဏ သုံးမိပါတယ်။ အခုတော့ ကျွန်တော်အဲ့လိုမပြောတော့ပါဘူး။ နောက်တစ်ကြိမ်ဒီထက်ပိုကြိုးစားမယ်ဆိုတဲ့ စကားပဲပြောမယ်လို့ စဉ်းစားထားပါတယ်။
နိုင်ငံခြားကို ပညာတော်သင်ဖြစ်ဖြစ်၊ အလုပ်လုပ်တာပဲဖြစ်ဖြစ် ရောက်ရှိလာတဲ့ အကိုအမတို့က ဘာသာစကားနဲ့ပါတ်သတ်လို့ အကြံလေးတစ်ခု ပေးပါလို့ တောင်းခဲ့ရင် တောင်သာသားလေး အစက တွေးမိသလိုတွေးမိနေတယ်ဆိုရင် အမြန်ဆုံး အဲ့ဒီအတွေးကို ပြောင်းပြစ်လိုက်ပါ။ ဘာသာစကားသိမှ အဲ့ဒီနိုင်ငံမှာ စကားပြောတတ်တဲ့ လူတစ်ယောက်လို နေထိုင်သွားလာနေနိုင်မှာဖြစ်ပြီးတော့ ဘာသာစကားမသိရင်တော့ ဘာမှမပြောတတ်တဲ့ လူအတစ်ယောက်လို၊ ဈေးဝယ်ရင်တောင် ကိုယ်ဟန် လက်ဟန်နဲ့ပြ၀ယ်ရင်တော့ သူတစ်ပါးအထင်သေးတဲ့ မျက်လုံးတွေက ဆီးကြိုနေမှာ မလွဲဧကန် ဖြစ်နေတော့မှာပါ။
ဆက်လက်ကြိုးစားပါအုံးမည်
တောင်သာခရီးသည်
16:47
တောင်သာသားလေး
တောင်သာသားလေးပညာသင်နေတဲ့ကျောင်းမှာ လူမှုရေးအခက်အခဲလေး နည်းနည်းကြုံလိုက်ရတယ်။ အဲ့ဒီအချိန်မှာပဲ ဆွေးနွေးကြတယ်၊ တိုင်ပင်ကြပါတယ်။ သူငယ်ချင်းတွေအများကြီးက အကြံဥာဏ်တွေ၊ လုပ်သင့်လုပ်ထိုက်တာတွေ ပြောကြပါတယ်။
အားလုံးပြောကြတာတော့ သူ့ဟာနဲ့သူတော့ ကောင်းကြတာကြီးပါပဲ။ သို့ပေမယ့်လည်း သူငယ်ချင်းတစ်ယောက်ပြောလိုက်တဲ့ စကားတစ်ခွန်းကတော့ ဘ၀တစ်သက်စာ မှတ်သားစရာလေး ဖြစ်ခဲ့ရတယ်။ သူငယ်ချင်းပြောတာလေးကို သူပြောသလိုလေသံလေးနဲ့ပဲ ပြန်လည်ဝေမျှပါရစေ။ သူငယ်ချင်းတို့ ကြိုးစားကြကွ။ လူဆိုတာ ကျရှုံးမှုတွေ ကြုံလာတိုင်း ငါ့အထင်တော့ ဒီလိုတွေးသင့်တယ်ကွ။ ဥပမာ ကျောက်ခဲလေးတစ်ခုကို အပေါ်ကို မြှောက်လိုက်ရင် သူအားရှိသလောက်၊ အရှိန်ရှိသလောက် အမြင့်ဆုံးကို ရောက်နိုင်တယ်။ ဒါပေမယ့် အမြင့်ဆုံးကိုရောက်ပြီးသွားရင် အောက်ကိုပြန်ကျလာရတယ်ကွ။ ဒီလိုပြန်ကျလို့ ကျောက်ခဲလေးမှာ အပြစ်မရှိဘူးကွ။ ဒါ လောကသဘာဝရဲ့ နိယာမပဲ။ အပြစ်ရှိတာက သူ့ပြုတ်ကျလာတာကို နောက်တကြိမ် ပြန်တတ်ဖို့ မကြိုးစားတာပဲ။ အဲ့ဒါမှ အပြစ်ကွ။ အခုလည်း သူငယ်ချင်းတို့ အကြောင်းတစ်ခုခုကြောင့် လဲကျတယ်၊ ပြုတ်ကျတယ်ကွာ။ လောကသဘာဝအရ အောင်မြင်မှုတွေ ပြီးလာရင် ကျရှုံးမှုတွေ ရောက်လာမှာပဲ။ ဒါသူငယ်ချင်းတို့ အပြစ်မဟုတ်ဘူး။ ပြန်ထူဖို့ မကြိုးစားတာကမှ သူငယ်ချင်းတို့ အပြစ်ကွ။
ဘယ်လောက်ကောင်းတဲ့ ဥပမာလေးပါလည်း။ တောင်သာသားလေးတို့၊ အကို၊ အမတို့ ဘ၀မှာလည်း အောင်မြင်မှုတွေ ရှိခဲ့သလို ကျရှုံးမှုတွေ ရှိခဲ့၊ ကြုံခဲ့တာပါပဲ။ ကျရှုံးမှုတွေ ကြုံလာရင် ပြန်ထဖို့ စဉ်းစားတာထက် ဒူးထောက်လက်မြောက်ဖို့ အရင်စဉ်းစားမိတယ်။ သူငယ်ချင်းပြောတဲ့ ဥပမာလေး သိလိုက်တဲ့အချိန်ကစပြီး ဒူးထောက်လက်မြောက်ဖို့ထက် ပြန်ထဖို့ကြိုးစားကြပါဆို့လို့ နှိုးဆော် တိုက်တွန်းလိုက်ပါတယ်။
တောင်သာခရီးသည်
ဆက်လက်ကြိုးစားပါအုံးမည်
14:08
တောင်သာသားလေး
အဖေတစ်ယောက် ပါးရေတွေတောင် တွန့်လိပ်စ ပြုနေပါပြီလား။ သို့ပေမယ့်လည်း သားတို့မျက်လုံးထဲမှာတော့ အဖေ့ရုပ်ရည်ကော၊ အဖေ့ကိုယ်ကျင့်တရားကောက ကမ္ဘာ့ပေါ်မှာရှိတဲ့ လူသားတိုင်း မှီမှာမဟုတ်ပါဘူးအဖေ။ အဖေတို့ဘ၀ကို သုညကနေ စခဲ့ရတာ သားတို့ ဟုပြောတဲ့အခါတိုင်း ငယ်ငယ်ကတော့ မယုံချင်။ ဖေဖေ ပုံပြင်တွေ ပြောနေတာလားပေါ့။ အသက်အရွယ် နည်းနည်းလေး ရလာမှပဲ လောကကသင်ပေးတဲ့ အဖြစ်စလောက် အတွေ့အကြုံလေးတွေကြောင့်လားမသိ၊ အဖေပြောခဲ့တာတွေက ဖြစ်နိုင်တယ်၊ဆိုတာ ယုံလိုက်ပါပြီအဖေ။ သားတို့ စာကြိုးစားကြ။ တစ်နှစ်တစ်တန်း မှန်မှန်အောင်ရင် မြန်မာနိုင်ငံမှာ ရှိတဲ့ အတန်းတွေ ကုန်အောင်ဖေဖေ ပညာတွေ အမွေပေးခဲ့မယ်လို့ တဖွဖွ ဆုံးမစကားတွေ ဆိုးတတ်ပါသေးတယ်။ ပင်ပန်းမှုတွေ၊ ဆင်းရဲမှုတွေ၊ အခက်အခဲတွေနဲ့ တွေ့ဆုံနေရရင်လည်း မျက်နှာမညှိုး တည်ကြည်စွာ၊ ရဲဝံ့စွာ စိတ်အေးအေးထား ဖြေရှင်းတတ်သောအဖေ။ ယောကျီင်္ားပီသသော၊ ခန့်ညားသော အဖေတစ်ယောက် အခုတော့ ခါးလေးတွေတောင် ကိုင်းစပြုနေပါပြီလား။ သို့သော်လည်း အဖေ အားမငယ်။ ကြုံလာတဲ့ လောကဓံကြီးကို ရဲဝံ့စွာ ရင်ဆိုင်ဖို့ ကြိုးစားနေလေရဲ့။ ဖေဖေအရက်ကလေး (၃ လမှ တစ်ကြိမ်လောက်) သောက်လာခဲ့လျှင်လည်း မေမေ့ ခြေဖျားလေးတွေ၊ ဇတ်ကြောလေးတွေ နှိပ်ပေးရင်း သူချစ်တဲ့ မေမေကို ချော့တတ်တဲ့ဖေဖေ။ မျက်နှာကြီး အတင်းသားနဲ့မေမေတစ်ယောက် မကြာပါဘူး အကြင်နာစကားလေးတွေ ထွက်လာပြီ။ ဖေကြီးကို အရက်မသောက်စေချင်တာက ဖေကြီးရဲ့ကျန်းမာရေးကြောင့်ပါတဲ့။ ဖေကြီးမွေးထားတာလည်း သား(၄)ယောက်တဲ့။ စသည်ဖြင့်ပေါ့။ တောင်သာသားလေးတို့ ညီအကို(၄)ယောက်ကတော့ ခြင်ထောင်ထဲမှာ ခိုးနားထောင်နေတာပေါ့။ တခါတလေတော့လည်း ညီအကို (၄)ယောက် တိုင်ပင်လျှက်။ ညီတို့မိန်းမရရင်လည်း အခုလို အရက်သောက်လာရင် ဖေဖေလိုချော့လိုက်တာ မဆိုးဘူးနော်။ အကြံတွေကလည်း အထွက်သား။ အဲ့ဒါတွေကတော့ ဖေဖေပိုင်တဲ့ အရည်အချင်းတွေထဲက မပြောပလောက်တဲ့ သေးသေးမွှားမွှားလေးတွေပဲ ရှိပါသေးတယ်။ လေးစားချစ်ခင်ရတဲ့ ဖေဖေတစ်ယောက် ကို လွမ်းတဲ့အလွမ်းတွေ ဒီရုပ်သံလေးနဲ့ပဲ ဖြေသိမ့်မိပါတော့တယ်။
