စေတနာနှင့်နေရာ

စေတနာနှင့်နေရာ

လူ့စိတ်ဟာ အချိန်နဲ့အမျှပြောင်းလဲနေတတ်သလို လူတိုင်းမှာလည်း
စိတ်ကောင်းနဲ့စိတ်ဆိုးဆိုတာရှိပါတယ်။ တချို့ကလည်း လူ့စိတ်ဟာ
မျောက်နဲ့တူတယ်လို့ ဆိုတတ်ကြပြီး၊ လူ့စိတ်တွေ ဖောက်ပြန်ပြောင်းလဲနေတာ
ခန္ဓာကိုယ်တွင်းရှိတဲ့နတ်ဆိုးတွေကြောင့်ဖြစ်တယ်လို့ဆိုကြပါတယ်။

မျောက်နဲ့တူတယ်ဆိုတဲ့ လူစိတ်က အခုအကောင်း၊ တော်ကြာတစ်မျိုးဖြစ်တတ်သလို၊
အဖွဲ့အစည်းတွင်း နိုင်ငံရေး Organizational Politics မှာလည်း
အခုကိုယ့်ဘက် ရပ်တည်နေပြီး ခဏနေတော့
အခြားဘက်ပြောင်းသွားတာမျိုးဖြစ်ပါတယ်။ ဒါကို သာကူးတွေလို့ဆိုကြပြန်ပါတယ်။

တချို့ကလည်း ကိုယ်ပိုင်အရည်အချင်းမရှိလို့ ကိုယ့် ရပ်တည်ရာ(Stand)
ကိုယ်မသိဘဲ နေရာရရှိရေး၊ အခွင့်အရေးရရေး၊ စားသောက်ရရေးအတွက်
ဒီလိုစိတ်ပြောင်းရတယ်လို့ ဆိုကြပြန်ပါတယ်။
စေတနာနှင့်နေရာမှာဆက်စပ်နေပြီး ပေါင်းစည်းချိတ်ဆက်ထားရန်လိုသည်။

စိတ်ဟာ ကောင်းကောင်းဆိုးဆိုး ဒီစိတ်ရဲ့မူလပိုင်ရှင်(အရှင်သခင်)ကတော့
ကိုယ်ကိုယ်တိုင်ပဲဖြစ်ပါတယ်။ ကိုယ်ဆိုးလို့ စိတ်ဆိုးတာဖြစ်ပြီး၊
ကိုယ်ကောင်းရင် ကိုယ့်စိတ်ကလည်း ကောင်းနေမှာ ဖြစ်ပါတယ်။ စိတ်ကောင်းဖို့၊
စေတနာကောင်းဖို့လိုပါတယ်။

စေတနာဆိုတာ ကံလို့မြတ်စွာဘုရားက ဟောပြောဆုံးမပါတယ်။
ဒီတော့ စေတနာကောင်းရင် ကံကောင်းပြီး စေတနာယုတ်ရင် ကံဆိုးမှာ ဖြစ်ပါတယ်။
မြန်မာတွေ ဟာအစွန်းထွက်တဲ့ လူမျိုးလို့လည်း တချို့က
ဝေဖန်သုံးသပ်ပြန်ပါတယ်။ အားနာစရာရှိရင် မတရားကြီးကို အားနာနေတတ်ပြီး
မုန်းသွားပြီဆိုလည်း ရက်ရက်စက်စက်ကြီးကို မုန်းနေပြန်ပါတော့တယ်။

ဒါကြောင့် မြန်မာတွေကို ဆုံးမတဲ့ မြန်မာကြီးတွေက (မြန်မာပညာရှိတွေက)
ဆုံးမရင်ပဲဖြစ်ဖြစ်၊ ဆုံးမစာရေးရင်ပဲဖြစ်ဖြစ်၊ အစွန်းနှစ်ဖက်ထွက်တဲ့
အတိုင်းလိုက်ညှိပြီး ပြောဆိုဆုံးမထားကြတာကို လေ့လာတွေ့ရှိရပြန်ပါတယ်။
တစ်ရွာမပြောင်း သူကောင်းမဖြစ်နဲ့ သေချင်တဲ့ကျား တောပြောင်းဆိုတော့
ကိုယ့်ဘာသာ ကိုယ်ဘာလုပ်သင့်တယ်ဆိုတာ ဆုံးဖြတ်ပါ။

စေတနာ

စေတနာသည်ကံလို့ဆိုတာမှာ ကိုယ်ပြဋ္ဌာန်းတဲ့စေတနာဟာ
ကံအဖြစ်ကိုယ့်ဆီပြန်လာမယ်လို့ ရည်ညွှန်းတာဖြစ်ပေမယ့် စေတနာထားရင်း
ခံလိုက်ရင်းဖြစ်တာတွေကို ကြုံရဖန်များတဲ့အခါများမှာတော့ စေတနာသည်
လူတိုင်းနှင့်မတန်ဆိုတာမျိုး ဖြစ်လာခဲ့ပြန်ပါတယ်။ တချို့ကလည်း
စေတနာအစစ်မဟုတ်လို့ ခံရတာလို့ပြောကြပြန်ပါတယ်။

စေတနာထားပါ၊ စိတ်ထားကောင်းပါဆိုတဲ့ စကားတွေဟာ အပြောလွယ်ပေမယ့်
အလုပ်ခက်ပါတယ်။ ကြာရှည်မဖောက်ပြန်ဘဲ စေတနာထားဖုိ့
စိတ်ထားကောင်းဖို့ဆိုရင် ပိုတောင်ခက်ပါတယ်။

လူ့စိတ်သဘောကိုက ယေဘုယျဆိုရင် အတုံ့အတင်သဘောကိုဆောင်ပါတယ်။ သူကောင်းမှ
ကိုယ်ကောင်းမယ်။ သူဆိုးရင် ကိုယ်ဆိုးမယ်လို့ သဘောရှိတတ်ကြပါတယ်။
စေတနာသဘောရင်းမှန်ကတော့ အဲဒီလိုမဟုတ်ရပေဘူး။

စေတနာဆိုတာကလည်း စိတ်ကလေးကဖြစ်လာတာဆိုတော့ စိတ်ရင်းကိုက
ကောင်းရမှာဖြစ်ပါတယ်။ စိတ်ရင်းကောင်းမှ စေတနာကလည်းသန့်ရှင်းမှာ
ဖြစ်ပါတယ်။ တချို့ကဆို အဲဒီစကားလုံးနှစ်လုံးတွဲဖက်လို့
စိတ်စေတနာလို့တောင်ခေါ်ကြတယ်။

စေတနာဆိုတာ ပါဠိက လာတာဖြစ်ပြီး၊ စေ့ဆော်တိုက်တွန်းတတ်သောတရား၊
သူတစ်ပါးအကျိုးကို လိုလားသောသဘောထားလို့ အနက်ရပါတယ်။

မိဘကသားသမီးအပေါ်၊ ဆရာကတပည့်အပေါ်၊ ဒီလိုပဲအပြန်အလှန် သားသမီးကမိဘအပေါ်၊
တပည့်က ဆရာအပေါ် စေတနာထားကြတယ်။ ချစ်သူချင်းစေတနာရှိကြတယ်။
သူငယ်ချင်းအချင်း ချင်းစေတနာထားကြတယ်။ ချမ်းသာသူက ဆင်းရဲသူအပေါ်
စေတနာထားတယ်။ အစိုးရက ပြည်သူ အပေါ်စေတနာထားတယ်။

စေတနာစိတ်က အရေးကြီးတယ်။ မိဘဆရာတို့က စေတနာက ဖြူသန့်တယ်။ သားသမီးတွေ၊
တပည့်တွေရဲ့ ကောင်းတဲ့တုံ့ပြန်မှုပဲဖြစ်ဖြစ် ဆိုးတဲ့တုံ့ပြန်မှုပဲဖြစ်ဖြစ်
စေတနာမပျက်ဘူး။ မတုန်လှုပ်ဘူး။ ကိုယ်ကစေတနာထားပါရက်နဲ့
မကောင်းတဲ့တုံ့ပြန်မှုပြန်ရလည်း ကိုယ်လုပ်စရာရှိတာ ဆက်လုပ်ပေး၊ ထားရမယ့်
စေတနာဆက်ထားပေးနေတာပဲဖြစ်တယ်။

ကျန်သူတွေအချင်းချင်းကြားမှာတော့ စေတနာပျက်ယွင်းမှုတွေ
တူညီတဲ့တုံ့ပြန်မှုတွေရှိလာတတ်တယ်။ လူ့စိတ်ကလေးပီပီ ပြောင်းလဲကုန်တော့တယ်။
အထူးသဖြင့် စေတနာထားပါရက်နဲ့ နေရာနဲ့ယှဉ်လာတဲ့အခါ စေတနာပျက်ကုန်တတ်တယ်။

စေတနာနဲ့ နေရာပေးတယ်။ တလွဲတွေ လျှောက်လုပ်ပစ်တယ်ဆိုရင်
စေတနာပျက်သွားတတ်တယ်။ စေတနာနဲ့ မြေတောင်မြှောက်ပေး၊ ကူညီပေးတယ်။
နောက်ပိုင်းကိုယ့် ကိုယ်ပါထိခိုက်စော်ကားလာရင် စေတနာပွန်းပဲ့တတ်တယ်။

စေတနာထားတဲ့လူကလည်း စေတနာမှန်ဖို့လိုပြန်တယ်။
ကိုယ်ကိုယ်တိုင်စေတနာထားခဲ့ပြီးမှ
စေတနာအလျောက် အောင်မြင်သွားခဲ့ရင် နေရာတွေရသွားခဲ့ရင်
ကိုယ့်စေတနာကိုယ်တိုင်က ညိုပုပ်လာ တာမျိုးမဖြစ်သင့်ဘူး။
စေတနာနဲ့ယှဉ်တွဲနေတဲ့ မေတ္တာ၊ မုဒိတာ၊ ဥပေက္ခာတို့ပါ တွဲစပ်ပါဝင်သင့်တယ်။
မဟုတ်ရင် ကိုယ့်စေတနာနဲ့ကိုယ်နောင်တရနေရင် မကောင်းပေဘူး။

နေရာ

နေရာဆိုတာ ဒီနေရာမှာ အ ဖွဲ့အစည်းတွေ၊ လုပ်ငန်းတွေရဲ့
အရေးပါအရာရောက်တဲ့နေရာ၊
လုပ်ပိုင်ခွင့်ရှိတဲ့နေရာ၊ ဆုံးဖြတ်ချက်ချပိုင်ခွင့်ရှိတဲ့နေရာ၊
အမှုဆောင်အရာရှိနေရာတွေကို ပြောတာပါ။

တချို့နေရာက နေရာကောင်းရထားတယ်ဆိုရင် စီးပွားဖြစ်တဲ့နေရာ၊
ဝင်ငွေဖြောင့်တဲ့နေရာကိုခေါ်ပါတယ်။
ဒီအိမ်လေး၊ ဒီခြံလေး၊ ဒီဆိုင်လေးကနေရာကောင်းတယ်။ သူ့သားက၊ သူ့အဖေက
နေရာကောင်းရထားတယ်။ ရထားပေါ်မှာ၊ ကားပေါ်မှာ နေရာကောင်းရတယ်စသဖြင့်
ပြောတတ်ကြတယ်။

နေရာဟာအရေးကြီးတယ်။ တခဏတာအတွက်ပဲဖြစ်ဖြစ်၊ တစ်ဘ၀စာအတွက်ပဲဖြစ်ဖြစ် လူတွေက
နေရာကောင်းကို လိုချင်တတ်ကြတယ်။

နေရာရဖို့ကတော့ အဓိက ကြိုးစားကြရတာပါပဲ။ ဇာတ်ပွဲကြည့်ဖို့ဖြစ်ဖြစ်၊
စတိတ်ရှိုးကြည့်ဖို့ပဲဖြစ်ဖြစ်၊ မယ်ရွေးပွဲကြည့်ဖို့ပဲဖြစ်ဖြစ်
နေရာကောင်းရချင်ရင် စောစောစီးစီးလက်မှတ်ဝယ်၊ ဖျာဝယ်၊
စောစောစီးစီးသွားနေရာယူကြရပါတယ်။

လက်မှတ်တန်ဖိုးအလိုက်သတ်မှတ်တဲ့နေရာတောင် နေရာကောင်းရချင်ရင်
နည်းနည်းတော့ ပိုအားစိုက်၊ ပိုကြိုးစားရတာပါပဲ။ ဒါကငွေပေးပြီးနေရာယူတာ၊
နေရာဝယ်တာဖြစ်ပါတယ်။

ငွေပေးပြီးယူရတဲ့နေရာမဟုတ်တဲ့ ပညာနဲ့အရင်းတည်ကြိုး စားရတာမျိုး၊
ကိုယ့်အရည်အချင်းပြပြီး ဖန်တီးလုပ်ကိုင်ပြမျိုးဆိုရင်တော့ ပိုခက်သွားသလို
ပိုပြီးလည်း အားစိုက်ရပါတယ်။

စာရေးရေး၊ အလုပ်လုပ်လုပ် စေတနာထားလုပ်ကိုင်ရန်လိုသည်။

ပညာတို့၊ အရည်အချင်းတို့တည်ပြီး ကြိုးစားရတာမျိုးဆိုရင်
ခံစားအကဲဖြတ်တဲ့ပရိသတ်ရဲ့အဆင့်အတန်းနဲ့ ခံစားနိုင်မှုက အရေးကြီးသလို
အဲဒီအကဲဖြတ်ပုဂ္ဂိုလ်တို့ရဲ့စေတနာကလည်း သန့်ရှင်းဖို့လိုပါတယ်။
ထပ်ဆင့်ရှင်းအောင် ပြောရရင်တော့ အဂတိမလိုက်ဖို့လိုပါတယ်။

တော်သင့်သူကို တော်သင့်သလိုနေရာပေးရာမှာဖြစ်ပါတယ်။
ကိုယ့်အကျိုးဆောင်လို့၊ ကိုယ်သဘောကျလို့၊ ကိုယ်ချစ်လို့ဆိုပြီး နေရာတွေ
စွတ်ပေးလို့ မသင့်သလို အမြင်ကပ်လို့၊ မုန်းလို့ဆိုပြီး နေရာမပေးတာလည်း
မကောင်းပါဘူး။ စေတနာသန့်သန့်နဲ့ နေရာတွက်ချက်ပြီး ပေးရမှာဖြစ်ပါတယ်။

နေရာရသူဘက်ကလည်း ကြိုးစားရမှာတွေရှိ ပြန်ပါတယ်။ ကိုယ့်မှာနေရာရအောင်
အကောင်းဆုံးကြိုးစားခဲ့ပြီး (တစ်ခါတစ်ရံတော့ နည်းစုံကို သုံးခဲ့ရတတ်တယ်)
နေရာရခဲ့ပြီဆိုတော့ ဒီနေရာနဲ့ထိုက်တန်အောင်၊
ကိုယ့်ကိုရိုသေလေးစားကြအောင်၊ နေရာနဲ့ထိုက်တန်သူလို့
အကဲဖြတ်မှတ်ချက်ရအောင် ကြိုးစားကြရမှာ ဖြစ်ပါတယ်။

ကိုယ်ရရှိတဲ့နေရာအလိုက်လည်း စေတနာအပြည့်နဲ့
လုပ်ကိုင်ဆောင်ရွက်ပေးဖို့လိုပါတယ်။ စေတနာမပါဘဲ စေတနာမထားဘဲ
နေရာအလွဲသုံးစားလုပ်နေရင်လည်း မကောင်းပါဘူး။ ကြာရင် ခံရသူများက
စေတနာပျက်လာမှာ ဖြစ်ပါတယ်။ ခံရတဲ့သူတွေ စေတနာပျက်ရင် တစ်ခါကိုယ့်နေရာက
ပြန်ပြီးလှုပ်လာမှာ ဖြစ်ပါတယ်။

ဆိုချင်တာက နေရာနဲ့စေတနာ၊ စေတနာနဲ့နေရာက ဆက်စပ်နေပါတယ်။
ကိုယ့်လုပ်ရပ်ကိုယ့်စေတနာကြောင့် နေရာတွေရနိုင်သလို၊
နေရာသာယူပြီးစေတနာမပါ၊ လုပ်ရပ်မကောင်းရင်တော့
နေရာကြာရှည်မတည်မြဲနိုင်ပါကြောင်း တင်ပြရပါတယ် ။

Posted in: အတွေးအမြင်